Oldstadt

De historische Fachwarkbuuten vun de Oldtstadt tellen to de besünnere Sehenswürdigkeiten vun de City und schmücken de Beste Stuv vun de Stadt. Hier könnt Hannover-Besökers een Hauch Stadtgeschicht atmen.

Rund um Marktkark und Ole Raathus

Fördem harr Hannover een grote Oldstadtkern mit Fachwarkhüse und enge Twieten, de tom Deel noch ut dat Mittelöller stammten. Man de Füerstürme vun de Tweete Weltkrieg leeten vun de historische Oldstadt nicht mehr als 40 Hüser öwer. Alleen twölf davun stunnen in de Eck vun de Knochenhauer-, Kramer- und Burgstraat. Gegen Enn vun de fofftiger Johr wurr entscheedet, dat de restlichen öwer dat Stadtgebiet vedeelten Fachwarkhüser afdraagen und hierhen vesettet wurrn. Sodenni entstunn een Oldstadtviertel rund um de Marktkark und dat Ole Raathus, dat as een historische Insel een gute Indruck davun vemittelt, woing dat ole Hannover mal utsehen hett. De Kramerstraat ist babento een vun de beleewteste Inkoops- und Flaneerstraaten vun de Stadt.

© HMTG/Martin Kirchner

Holtmarkt

An de Holtmarkt, ganz in de Neechde vun dat Historische Museum, steiht de detailgetreue Nabuu vun de in de Krieg zestörte Leibniz-Hus. Dat Original-Gebüüde weer in dat Johr 1499 errichtet und 1652 nie buut wurrn. De sach beröhmteste Söhn vun de Stadt, Gottfried Wilhelm Leibniz, hett hier veele Johrn lang waahnt.

Ballhoffplatz

De Ballhoff wurr 1649-64 buut und weer ursprüngli een Turnhalle, wo de Hofgesellschaft bi Wind und Wedder Federball speelen kunn. Laater wurr darut een Vesammlungshalle und hütigendaags ward de Ballhoff as een Speeldeel för de Junge Schauspill Hannover nutzt. De Ballhoff is de schönste Profanbuu in Hannover.

Der liekenaamste Platz mit een Soot geldt as een vun de beschaulichste Plätze in de Oldtstadt. Hier givt dat Cafés, Bars und Restaurants mit veele Butenplätze, von wo ut man de Blick op de schmucke Platz geneeten kann – oder op dat Waterspill mit de dree Hohlkugeln in de Ballhoffsoot, de vun de Bildhauer Helmut Otto Schön ut München 1975 schafft wurr. Babento ward de Ballhoffplatz mennigmal in‘t Johr to een Speeldeel för Jazz und Tango.

© HMTG/Lars Gerhardts

Leineslot: Sitz vun de Niedersächsische Landtag

Dat Leineslott, vundaag Sitz vun de Niedersächsische Landtag und fröher königliche Residenz, geiht op een in de 12. Johrhunnert gründete Franziskanerkloster torüch, dat 1533 opgeeben wurr. As de Calenberger Hertog Hannover 1636 as Residenz wählt harr, wurr de noordwestliche Flögel vun dat Slott 1742 nie maakt. De anderen Deele gaaht op Entwürfe vun de in Hannover sehr aktive Buumeester Georg Friedrich Laves torüch, de dat Slot twüschen 1816 und 1844 komplett umbuute.

Na de Zestörung in de Tweete Weltkrieg wurr dat Leineslot vun 1956 bit 1962 wedder opbuut und de Südflögel wurr dör een moderne Plenarsaal-Anbuu ersett.

© Hannover Marketing und Tourismus GmbH