Deister - Naherholung

De Vaageln piepen, de Bläder ruusen, vewunschene Padden – in een Höchde vun bit to 405 Meter töwen veelfältige Beleevnisse twüschen Natur und Kultur op Se. Immer wedder schweift de Blick öwer de Wieten vun dat Calenberger Land oder hen na dat Weserbergland , immer wedder velocken malerische Steden to een Picknick und rustikale Krööge to een Inkehr.

De Weg is al dat Ziel, dat Wanderslüüt, Spazeergänger und Radfohrers dat ganze Johr öwer för sik entdecken. Lüüd op een Tuur mit Picknickkorv föhlen sik jüst so wohl as Langstrecken-Radfohrers op de Dörchreis. Se könnt ok ganz locker eenmal rund um de Deister mit Rad fohren, dat sünd 80 km in veer Etappen op de Deisterkreisel. Patente Tipps und Achtergrund-Information bedt een Sammlung mit veer Faltblädder und Utschnitte von Landkorten. Düsse Sammlung kriegen Se bi de Tourist Informationen.

An de Weg lingen historische Schätze und sodenni stiggt de Beleveenswert rund um de Deister. Beindruckende Rittergüter, wunnnerschöne Dörpskarken und Fachwarkhüse sünd Tüügnisse vun veleedene Johrhunnerte. Grotartige Parkanlagen, interessante Museen, een Barg Water- und Windmöhlen und de Buuten vun de Weserrenaissance sünd Höhepunkte för de ganze Famili. Barsinghausen und Wennigsen sünd bekannt för emse kulturhistorisch bedütsame Klöster. Und nich toletzt bringen de Spoorn vun de Steinkohlebergbau informative Afwesslung.